“Donostia Berritzen Sustapenarekin“

Donostiako Sustapenak azaleratzen ari diren ekonomia-arloetako ekimen berrien alde egin ohi du, hiriko enpresa-ehunaren lehiakortasuna areagotzeko nahiak eraginda.

Ildo horretan, Donostiako Enpresa Berrien Lehiaketa irekia antolatzen dugu urtero, negozio-aukera estrategiko berriak sortzeagatik nabarmendu diren enpresa berriak saritzeko eta babesteko.

Gure sariak hiru maila hartzen ditu barne:

1. Ikus-entzunezko enpresak eta multimedia-arlokoak.
2. Energia berriztagarrien eta energia-eraginkortasunaren arloetako enpresak.
3. Azaleratzen ari diren beste arlo batzuetakoak.

Maila bakoitzeko enpresa irabazle bakoitzak 12.000 euroko saria jasoko du.

Honako alderdi hauek saritu nahi ditugu, zehazki:

• Enpresaren berrikuntza maila, hiriko egungo enpresa-ehuna zertan den kontuan hartuta.
• Enpresaren ekonomia- eta finantza-bideragarritasuna.
• Enplegua sortzeko gaitasuna.
• Teknologia garbien erabilera.
• Enpresan, gizarte-erantzukizuneko neurriak sustatzea.
• Donostia hiriaren irudia kanpoan hedatzea eta ezagutzera ematea.

Ondoren, maila bakoitzean nolako enpresak sartzen diren aipatuko dugu:

A) Ikus-entzunezkoak eta multimedia-arlokoak:

Kontzeptu berritzaileak jorratzen eta egungo negozio-joeretan bide berriak (etorkizun-senean oinarrituak) urratzen dituzten ikus-entzunezko enpresak. Hona hemen adibide batzuk:

• Ekoizpen-lan merkeak (telefonia mugikorra, Internet, udal-telebistak, TDTa, bideo-jokoak) eta 360º-ko estrategiak.
• 3 D-ko animazio digitalak.
• Edukiak plataforma anitzeko formatuetan uztartzeko apustua.
• Nazioartean hedatzeko asmoa duten enpresak.
• Arlo bereko beste enpresa batzuekin lankidetza- edota koprodukzio-hitzarmenak egin dituztenak. Hitzarmen zergatiak azaldu beharko dituzte.

B) Energia berriztagarrien eta energia-eraginkortasunaren arloetakoak:

Energia garbiak ikertu, sustatu eta ezartzearekin, isuri kutsagarriak murriztearekin, hondakinen tratamendu eraginkorrekin edo energia aurrezteko eta eraginkortasunez erabiltzeko jarduerekin nolabaiteko lotura duten enpresak.

Dena den, hazteko aukera gehien dituztenei erreparatuko diegu, bereziki. Honako hauek dira, hain zuzen:

• energia eolikoa.
• geotermia
• eguzki-energia fotovoltaikoa eta termoelektrikoa
• biomasa termikoa eta elektrikoa
• hidraulikoa
• biogasa

D) Azaleratzen ari diren beste arlo batzuk:

• Laguntza-teknologiak: Ingeniaritza- eta zerbitzu-enpresak, desgaitasun fisiko, psikiko eta/edo sentsorialak dituztenen bizi-kalitatea handitzea helburu dutenak.
• Surfaren eta gainerako kirol lerragarrien ingurukoak: Surfa eta gainerako kirol lerragarriak (wind surfa, kitesurfa...) sustatuz, ekonomia-garapenari egin dioten ekarpena egiaztatu beharko dute arlo horretako enpresek. Ildo horretan, material berriak ikertzen eta garatzen, arloa indartzeko eta profesionalizatzeko jarduerak gauzatzen eta jarduera osagarriak (turismoa hartzea, merkataritza...) egiten dituzten enpresek har dezakete parte.
• Teknologietan eta I+G+B-en oinarritutakoak.
• Atal honetan aipatu gabeko bestelako arloak.

• Lehiaketaren formularioa (PDFa, 208 Kb)

 

Informazio gehiago:

Arreta-telefonoa:

943 482 800

Posta elektronikoa:

Helbide elektroniko honek spam bot-en kontrako babesa du. Ikusteko Javascript-a aktibatu behar duzu

Online:

www.fomentosansebastian.org/extranet

Presentziala:

Goikoa jauregia, Ijentea, 6 - Donostia