Erabilerraztasunak informazioa eskuratzeko aukera bermatzen die, inolako mugarik gabe, urritasunak, desgaitasunak edo minusbaliotasunak dituztenei. Izan ere, gure orrietako informazioa eskuratzen duten erabiltzaile askoren testuinguruak oso bestelakoak dira, hainbat arrazoirengatik:

• Entzuteko, ikusteko edo mugitzeko arazoak dituztelako.
• Irakurtzeko edo ulertzeko arazoak dituztelako.
• Teklatua edo sagua erabiltzerik ez dutelako.
• Testu-irakurgailu hutsa, pantaila txikia edo konexio motela dutelako.
• Etab.

Dena den, erabilerraztasuna guztientzat da interesgarria, bai desgaituentzat bai gainerakoentzat, webguneetan sartzen laguntzen duelako.

Ildo horretan, honako erabilerraztasun-arau hauek bete ditugu:

• WCAG (Web Content Accessibility Guidelines) protokoloaren WAI (Web Accessibility Initiative) arauak: AA mailako guztiak eta AAA mailako batzuk. Nazioarteko arauak dira, eta W3C (World Wide Web Consortium) erakundeak onespen ofiziala eman die, Interneten estandartzat har daitezen.
• Web Orriaren Erabilerraztasun Testa (TAW) aipatutako arauak benetan bete direla egiaztatzeko. Lan eta Gizarte Ministerioak sustatu du TAW tresna, Informazio Gizartearen eta Merkataritza Elektronikoaren Zerbitzuei buruzko Legeak xedatutakoari jarraiki.

Zoritxarrez, gure orriko eduki batzuk, webguneko gainerakoak ez bezala, ez dira zeharo erabilerrazak, mugak baitituzte. Aipatutako edukiak bideoak eta PDF formatuko zenbait dokumentu dira, hain zuzen.

Jakin badakigu, noski, gure ataria are erabilerrazagoa izan daitekeela, eta horretan gabiltza, ekinaren ekinez. Beraz, gure ahaleginetan laguntzeko eskatuko genizuke, zure iruzkinak edo iradokizunak helaraziz.