Zertan datza Udalaren WIFI zerbitzua?

 

2004tik, Interneterako sarbide publikoa ari da eskaintzen Udala, Donostiako Sustapena sozietatearen bidez, haririk gabeko WIFI teknologiaz baliatuta.

 

WIFI eremuak ugaritzen ari dira egunez egun. Gizarte- eta kultura-etxe guztiek WIFI konexioa dute dagoeneko, eta Bulebarrak eta Kontxa eta Zurriola pasealekuek ere bai. Beste toki askotan ere ezarri dute jadanik. Ikus ezazu sarbide-puntuen mapa.

 

Ba al zenekien Donostiako Sustapenak WIFI sistemari buruzko udako ikastaroa antolatu zuela 2007an? Web-orri honetan, egitaraua eta txosten nagusiak eskaintzen dizkizugu.

 

 

 

Zenbat balio du?

Doako WIFI zerbitzuak

Liburutegi edo gizarte-etxeetan, Interneten doan sar zaitezke, herritar-txartelaren bidez. Adierazi zeure sarbide-datuak (identifikatzailea eta PIN kodea) eta, besterik gabe, udalaren eta gainerako zenbait herri-administrazioren web-orrietan doan nabigatzeko aukera izango duzu.

 

Kanpoaldeko esparruetan (parkeetan, lorategietan, pasealeku nagusietan...) ere doan sar zaitezke, bai udalaren bai gainerako zenbait herri-administrazioren web-orrietan.

 

 

Ordaindu beharreko WIFI zerbitzuak

Zure WIFI gailua sareko hot spot (sarbide- edo lotura-gune) batean piztu, eta kito. Nabigatzen hasi bezain laster, ongietorri-orria azalduko zaizu, eta, bertan, komeni zaizun zerbitzua kontratatu eta linea bidez (segurtasun osoz) ordainduko duzu:

 

• egun 1 - 1€
• hilabete 1 - 10 €
• 4 hilabete - 30 €
   

VISA , MasterCard eta Maestro txartelekin edo PayPal (eBay taldea) sistemaren bidez ordain dezakezu.

 

Non konekta zaitezke WIFI sarean?

Hiriko hot spot guneetan (Internetekin konektatutako barne- eta kanpo-eremuetan). Horrelako guneak udaleko hainbat toki publikotan daude, hala nola, parke, plaza, museo eta kultura-etxeetan, eta hedatzen ari dira, arian-arian.

 

Sarbide puntuen (hot stop guneen) mapa

Ikus ezazu Kablerik gabeko hiria, Udalaren WIFI zerbitzua mapa handiago batean.

 

Sarbide publikoak

• Alderdi Ederreko Liburutegi Nagusia
• Haur Liburutegi Nagusia
• Altza Kultur Etxea
• Tomasene l Liburutegia
• Larrotxene Kultur Etxea
• Loiola Kultur Etxea
• Etxarriene Kultur Etxea
• Ernest Lluch Kultur Etxea
• Okendo Kultur Etxea
• Egia Kultur Etxea
• Intxaurrondo Berri Kultur Etxea
• Larratxo Haur Liburutegia
• Lugaritz Kultura Etxea
• Donostiako Udalaren Musika eta Dantza Eskola
• Aiete Jauregiko Topalekua
• Kristina Eneako Ingurumen Baliabideen Zentroa
• Altza Kiroldegia
• Zuhaizti Kiroldegia
• Paco Yoldi Igerilekuak
• Bentaberri Kiroldegia
• Bidebieta Kiroldegia
• Bakearen eta Giza Eskubideen Etxea
• Altzako Alkateordetzan

Kanpoaldeak

• Ondarretako lorategiak
• Kontxa pasealekua
• Alderdi Eder
• Bulebarra
• Zurriola pasealekua
• Sagues/li>
• Kristina Enea parkea
• Anoeta, Ernest Lluch Kultura Etxearen kanpoaldea (Amara)
• Jose Maria Sert plaza (Antigua)
• Ander Arzelus plaza (Martutene)
• San Martzial plaza (Altza)

 

Nola konekta zaitezke?

1. Ordenagailu eramangarria, agenda elektronikoa edo WIFI erabiltzeko egokitutako telefono mugikorra (802.11b/g/a.) behar duzu.
2. WIFI gailua piztu eta itxaron egingo duzu, sareko seinalea automatikoki atzeman arte. Orduan, barrualdeko eremu batean bazaude, Wifi_Donostia_SanSebastian_Barrua” sarearen identifikatzailea (SSID) onartuko duzu, eta, kanpoaldeko eremu batean bazaude, “Wifi_Donostia_SanSebastian_Kanpoa” identifikatzailea.
3. WIFI sareak zure eskaera jasoko du, eta sartzeko jarraibide guztiak menuaren pantailan azalduko zaizkizu.

 

 

Liburutegi eta gizarte- edo kultura-etxeetan

Udalaren WIFI sarean sartzeko, herritar-txartelaren titularra zarela egiaztatu behar duzu, txartelaren identifikatzailea eta PIN kodea adieraziz. Izan ere, PIN kodea aldez aurretik aktibatu behar da, Udalinfo izeneko informazio-kioskoetan. Badakizu sarbidea doakoa dela herritar-txartelaren titularrentzat.

 

Herritar-txartelik ez dutenei behin-behineko sarrera-gakoak ematen zaizkie, sarean sartzeko. Horretarako, ordea, ezinbestekoa da hiritar-txartela eskuratzeko eskaera egitea, sarbide-orrian bertan azaltzen den formularioaren bidez.

 

Eskatutako fitxategiak une horretan eskura ez dituzten erabiltzaileak, bestalde, instalazioaren arreta-gunera joan daitezke, eta bertan emango dieten formularioa bete, hiritar-txartela eskatzeko. Formularioa betetakoan, arreta-gunean jasotako gutun-azalean sartu behar da, berriki ateratako karnet-tamainako argazki batekin eta NAN/AIZaren bi aldeen fotokopia banarekin batera.

 

Eskaera-formulario digitala betetzea da beste aukera bat. Interneteko www.donostia.org eta www.sansebastian.org helbideetan dago. Eskatu eta zazpi bat egunera iristen da txartela, eta, ordura arte, ezin izaten da udalaren WIFI sarean sartu. Dena den, txartela eskuratu arte, ordainketa-bonoa eros daiteke, udal-eraikinen barruko edo kanpoko eremuetatik udalaren WIFI sarean nahi adina nabigatzeko.

 

Kanpoaldeetan

Udalaren eta gainerako herri-administrazioen web-orrietan doan sartuko zara; beste web-orrietan sartzeko, berriz, zeure sarbide-datuak (erabiltzailea eta gakoa) eman beharko dituzu, edo bonoak erosi, lineako SSL ordainketa seguruen (Visa/Master Card/Maestro txartelen) bidez.

Behin konektatzen zarenean, hamaika aukera izango duzu: posta deskargatzea, nabigatzea, lagunekin hitz egia, informazio bilatzea etab.

 

 

Erabilera-baldintzak

Zerbitzua erabiltzeko baldintzak bi fitxategi hauetan zehazten dira.

• Doako WIFI zerbitzuen baldintza orokorrak eta erabilera-baldintzak PDFa [100 KB]
• Ordaindu beharreko WIFI zerbitzuen baldintza orokorrak eta erabilera-baldintzak PDFa [64 KB]