ikus-entzunezko Berrikuntza Gunea

Berrikuntza eta abangoardia, ikus-entzunezko industriaren zerbitzura

Ikus-entzunezko Berrikuntza Gunea habitat gisa eratu da, abangoardia eta berrikuntzarako enpresa-eremu bezala, alegia. Bertan sortzen dira XXI. Mendean ikus-entzunezkoen alorreko enpresak lehiakorrak izateko beharrezkoak dituzten baldintzak.

Udal esparrutik, IBGk urte asko daramatza enpresak merkatu berrietara gerturatzeko ekimenak burutzen. Horrela, lehiakorragoak izateaz gain, formatu berritzaileagoak erabiltzen dituzte, kooperazioan eta sareko lanean oinarrituta, betiere.

Sinergiak sortzeko erraztasunak ematea, ezagutza sortzea eta, ondorioz, hirian aberastasuna, enplegu kualifikatua eta garapen ekonomikoa sortu eta bultzatzea da IBGren helburua.

Sektoreko ordezkarien eskutik urte luzez lanean egon ondoren, Donostiako Sustapenak ikus-entzunezkoen alorrean aurrerapauso garrantzitsua eman, eta eraikin berri bat egiteko lehen harria jarri du. Eraikin hori, udalaren lurretan altxatuko da, finantzaketa publikoarekin (Industria, Turismo eta Merkataritza Ministerioak finantzatutako proiektua da, Avanza Planaren baitan). Bertan, alokairupeko espazioak eskainiko dira, erabilera erkideko ekipamendurik eta aurreratuenekin, ikus-entzunezko arloan diharduten enpresak finkatu daitezen, lehiakorragoan izan daitezen, eta merkatu zabalagoetan sartzeko aukera izan dezaten.

Sektoreko ordezkariak

2007an sendotu egin da ikus-entzunezkoen alorreko eragile garrantzitsuekin gauzaturiko sare-lana, eta tokiko komunikabideen ehuna dinamizatzeko dauden arazoen inguruan eztabaidatu eta estrategiak diseinatu dira. Horrela, jarraipena eman zaio Ikus-entzunezko Sektorea Sustatzeko asmoz Donostiako Sustapenak 2003an abian jarritako Tokiko Foroari. Foro horretan funtsezko erakundeak daude, eta elkarren osagarri jardunez sektorearen ikuspegi osoa ematen diote Guneari:

• Media Antena: ikus-entzunezko industria bultzatzea du helburu. Europar Batasunaren Programa da. Media Antena Euskal Herria MEDIAren Europako bulegoetako bat da, eta Donostian dago.
• Tabacalera: Donostian sortzen ari diren Kultura Garaikidearen Nazioarteko Zentro berria  da.
• EGEDA (Ikus-entzunezko Ekoizleen Eskubideak Kudeatzeko Erakundea): Espainian ikus-entzunezko ekoizleen interesak ordezkatzen eta babesten dituen erakundea da.
• Eiken: Euskadiko Ikus-entzunezko Klusterra elkarte profesionala da. Ikus-entzunezko sektorean oinarritutako edukiak, produktuak eta zerbitzuak sortzen eta kaleratzen dituzten Euskal Herriko enpresa nagusiek osatzen dute.
• EiTB taldea: Euskadiko lehen komunikazio taldea da; lau telebista kate eta bost irrati ditu.
• EPE-APV, Euskal Produktoreen Elkartea - Asociación de Productores Vascos.
• Donostiako Nazioarteko Zinemaldiaren Elkartea: Donostiako Udalak, Gipuzkoako Foru Aldundiak eta Hezkuntza eta Kultura Ministerioak osatzen dute.
• IBAIA: Euskal Herriko Ikus-entzunezko Ekoizle Independienteen Elkartea da. Egun, Euskal Herriko ikus-entzunezko sektorean aritzen diren 37 enpresa bazkide ditu.
• Donostiako Sustapena: Ikus-entzunezko Berrikuntza Gunea proiektuaren liderra da. Donostiako Sustapena Donostiako ekonomia garatzeaz arduratzen den elkartea da.
• Donostiako Plan Estrategikoa: parte-hartzean oinarritutako prozesua da, eta diagnostikoa, helburuak eta etorkizuneko egoera jasotzen ditu. Eragile publikoek, gizarte eragileek eta ekonomia eragileek adostutako proiektuen katalogoa ere bada.

Txostena jaitsi (PDF; 1 MB)

Industria, Turismo eta Merkataritza Ministerioak finantzatzen lagundutako proiektua
Avanza Plana