Edonostia.net WIFI HotSpotak

Zer da WIFI?

WIFI hitzak wireless fidelity esan nahi du. Egokitutako gailuen bitartez (ordenagailu eramangarriak, PDAk, WiFi telefonoak…), datu-sare batekin eta/edo Internetekin banda zabaleko haririk gabeko konexioa ezartzeko estandarra.

Non konektatu naiteke eDonostia.net-en WIFI sarera?

Hirian zehar hainbat HotSpot dituzu (Internet-era konektatzeko indoor/outdoor estaldura duten guneak). Hiriko edozein gune publikotan aurki ditzakezu: liburutegiak, parkeak, plazak, museoak, kultur etxeak, ea. Kablerik gabeko hiria atalean Donostiako Sustapenaren HotSpotei buruzko informazioa aurkituko duzu. 

Zer da HotSpot bat?

WIFI (Internet kablerik gabe) sare batetara konektatzeko barne edo kanpo estaldura eremu bat da. Informa zaitez WIFI web gunean non kokatzen diren Edonostia.net-eko HotSpot-ak.

Nola kontratatu dezaket WIFI konexioa?

eDonostia.net sareko edozein HotSpot-etan, zure WIFI erabilgailua piztu eta nabigatzen saiatzen zarenean, ongietorri orrira iritsiko zara automatikoki. Hor komeni zaizun zerbitzu mota aukeratu (24 ordu, hilabete edo 4 hilabete) eta on line ordaintzeko aukera izango duzu (SSL 128).

Nola ordaindu daiteke?

VISA , MasterCard, Maestro txartelekin eta  PayPal sistemaren bitartez (eBay).  

Ezin dut WIFI sarera konektatu

Ondoko urratsak jarraitu arazoa konpontzeko:

1. Egiaztatu Edonostia.net-eko Hotspot baten inguruan zaudela.  Zure ordenagailuak kablerik gabeko sarearen markatzailean edonostia.net-eko sarea aurkitu duela esan behar dizu. Ez badizu sarea automatikoki hartu eskuz bilatu beharko duzu eta honela ere aurkitzen ez badizu Wifi txartelaren konfigurazioa begiratu beharko duzu.
2. Nabigatzailea ireki eta saiatu nabigatzen. Autentifikazio orria agertuko zaizu segituan zure datuak sartzeko (kontratatu duzun kontuaren erabiltzaile izena eta gakoa).
3. Behin sisteman zure datuekin sartutakoan nabigatzen egongo zara. Nahi gabean konexioa behin eta berriro ixten bazaizu PopUp-en aurkako programarik ez duzula begiratu beharko duzu, hau izaten baita arazoa sortzen duena.

Konexioa automatikoki eteten da zenbait minutu pasata, Zergatik ?

Segur aski, Pop-Upak automatikoki ixten dituen programaren bat edukiko duzu instalatuta: Google, Yahoo, MSN edo antzeko menuak. WIFI sarera konektatzerakoan, desaktibatu itzazu programa hauek. GOGORATU zure konexio denbora Pop-Up baten bitartez kontrolatzen dela eta, beraz, ixterakoan konexioa galtzen duzula.

Nola zenbatzen da konektatuta ematen dudan denbora?

Zerbitzua kontratu eta ordainketa onartzen denean, konexioa martxan jartzen da, aukeratutako epea bukatu arte (ordaintzerakoan azalduko zaizun on line fakturan ikus dezakezu).

Konektatzeko datuak (erabiltzailea eta gakoa) ahaztu ditut.

Edozein zerbitzu kontratatzen duzunean, zure datuak modu desberdinetan eskaintzen dizkizugu:

• Zerbitzua kontratatzean emandako posta kontura bidaltzen dizugu.
• Erosketa bukatzean emandako fakturan. Faktura hau zure webgune gogokoen zerrendan gorde edo PDFa jaitsi dezakezu zure ordenagailura.
• Cookie bat sartzen da nabigatzaileak zure datuak gogora ditzan (cookie-ak gaituta badaude).

Hala ere, datuak behar badituzu, ELZ Erabiltzaileen Laguntza Zentrora deitu edo idatzi  (902077800 edo email bidez E-posta helbide hau zabor-posta bidaltzen duten roboten kontra babestua dago. Ikusi ahal izateko Javascript-a gaituta izan behar duzu. ) eta zure datuak emango dizkizute, zure NAN zenbakia eta izen-abizenak azaltzen badituzu.

Nola egiaztatu dezaket nire WIFIaren konfigurazioa?

Ondokoak baieztatu:

• TCP/IP ezaugarrietan "IP helbidea automatikoa (DHCP)" aukeratuta dagoela.
  
• Ordenagailuaren Interneterako irteera DialUp bidez automatikoki konfiguratuta ez izatea.
• "edonostia.net" SSIDa erabili.
  
• Desaktibatu WEP enkriptazioa.